Description
SUBTITEL: Hartstories vir elke ma
FORMAAT: Boek
AANTAL BLADSYE: 160
OPSOMMING: Wanneer jy Lizette Murray se skryfwerk lees, word al jou sintuie betrek. Maar dis veral jou hart wat sy aanraak.
Met My hart se baie punte vang Lizette doodgewone momente in haar lewe in woorde vas. Sy put uit die bekende: haar saamleef met haar geliefdes, haar kinders, haar kleinkinders en ander kosbare mense wat haar pad kruis.
Lizette raak jou keer op keer diep aan met haar lewenswysheid, haar fyn insig in die harte van ander, haar geloof, haar liefde vir mense en die besonderse manier waarop sy die wêreld waarneem en dan in woorde weergee.
Mag hierdie bundel skryfwerk jou vars en nuut laat kyk, soos ’n kind. Sodat jy jou kan verlustig in die klein dingetjies, en met eenvoud na die lewe kan kyk.
SKRYWER: Lizette Murray, geliefde skrywer, ma en ouma, se werk vloei uit haar verhoudings met haar geliefdes, vriende en kosbare mense wat oor haar pad kom. Sy skuif maklik haar skryfwerk opsy om met ’n kleinkind te speel of te luister na wat ’n kind op die hart het.
