Description
SUBTITEL: Vriende van God
FORMAAT: CD en DVD
OPSOMMING: Ons elkeen het ‘n profile. Of dit nou is soos jou vriende jou elke dag sien, en of dit jou profile is wat jy op Facebook sit – ons elkeen het ’n profile.
Vanjaar wil ons jou bekendstel aan ‘n hele klomp Bybelkarakters en na elkeen se profile kyk. Hulle elkeen het ’n baie interessante profile. Daar is die vroom godsdienstiges, dié wat God glad nie geken het nie, die oneerlikes, die hoëkoppe, die twyfelaars, die profete, die armsaliges, die kerkmense, die verraaiers, die soekendes en die eenvoudige gelowiges – ‘n heerlike mix van profiles wat jy ook in jou omgewing kan kry.
Die merkwaardige is egter dat hierdie mense se profile verander het toe hulle ‘n ontmoeting met God gehad het. Dit sal jy elke keer sien wanneer jy met een van hierdie Bybelkarakters kennis maak. Nie almal se ontmoeting met God het goeie gevolge gehad nie, maar ’n mens kan tog elke keer iets by hulle profile sit wat nie voorheen daar was nie.
Ook jou profile verander gedurig. Dinge gebeur in jou lewe – jy trek dalk, gaan hou iewers vakansie, het ‘n nuwe ou of meisie, begin met ‘n nuwe sport, of wat ook al. Dan is dit tyd om jou profile te verander.
Dit is ook waar van jou geloofslewe en jou verhouding met Jesus. Wanneer Jesus jou help om jou lewe te verander en aan te pas en al hoe meer soos sy kind te leef, verander jou profile en jou image elke dag.
Faceboek – Vriende van God is gemodelleer op Facebook. Elke ontmoeting draai om ’n Bybelkarakter en sy of haar PROFILE, met selfs ‘n foto daarby. Interessante Bybelgedeeltes oor die Bybelkarakter is onder INFO. Op die WALL kan jy lees wat ander mense vir die betrokke Bybelkarakter sê, en daar is plek waar jy self vir die karakter iets kan neerskryf. Daar is ook nog ander foto’s van die karakter op die WALL.
By die CHATBOKS kan jy saamgesels oor die karakter en wat sy of haar profile vir jou as Christen vandag beteken. By CONNECT kry jy die geleentheid om met God, ander mense en jou omgewing te connect, want dit is belangrik dat ‘n mens nie op ’n eiland sal leef nie, maar werklik sal connect. Ons hoop dat jou profile aan die einde van die jaar anders sal lyk as aan die begin van die jaar – dat mense vir Jesus in jou profile sal raaksien. Jesus verwelkom jou nou by die vriende van God – want Hy wil jou vriend wees!
INHOUD
Die nuwe generasie produk word alreeds vir die afgelope vier jaar met groot sukses en tevredenheid in verskeie gemeentes oor die land aangewend. Elke jaar se temas word nie alleen met ‘n gespreksgids aangebied nie maar word ook vergesel van ‘n CD en DVD.
Hierdie CD’s en DVD’s bied ekstra beskrywing en hulpmiddels vir die ontmoetings.
Die CD bied die volgende:
1. ‘n Uitgewerkte dokument wat die inhoud van elke ontmoeting omskryf. Hierin kan jy die gedagtes en ekstra idees rondom ‘n bepaalde tema nalees.
2. Vir gemeentes wat hierdie materiaal in jeugdienste, grootgroepbyeenkomste of in lokale met multimedia toerusting wil gebruik, kan van die volledige powerpoint aanbiedings gebruik maak.
Die DVD bied die volgende:
Ekstra uittreksels uit bekende flieks, asook karaktersketse deur jongmense of Bybelfigure word as byvoegsel tot sekere ontmoetings verwerk. Die aanbieder sal hierdie hulpmiddel met groot vrug kan gebruik om die nuuskierigheid en die deelname van die groep te prikkel.
